काठमान्डौ कात्तिक २० ।
भूकम्प र नाकावन्दीका कारण एक वर्षभन्दा बढी बन्द भएको रसुवागढी जलविद्युत आयोजनाको कामले गती लिने भएको छ ।

चीनियाँ ठेकेदार चाइना वाटर एन्ड इलेक्ट्रिसिटी कर्पोरेशनले निर्माण स्थलमा सुरक्षाको कारण देखाउँदै काममा नआए पछि बन्द भएको थियो । लामो वार्तापछि चीनियां ठेकेदार सो आयोजनाको कार्यका लागि काममा फर्कन सहमत भए पछि कामले गति लिने भएको हो ।

वर्षातका कारण लगातार पहिरो र ढुङा खस्ने क्रम नरोकिए पछि सुरक्षाको कारण देखाउँदै सीडब्ल्यूईले एक पक्षीय रुपमा काम पूर्ण रुपमा बन्द गरेको थियो ।

एकसय एघार मेघावाट क्षमताको आयोजना आगामी भदौमा सम्पन्न गर्ने लक्ष्य लिएकोमा सन २०१९ को मध्यमा सम्पन्न हुने संभावना बढेको रसुवागढीका प्रमुख कार्यकारी अधिकृत माधव कोइरालाले बताउनु भयो ।

अहिले सम्म आयोजनाको काम ३० प्रतिशत मात्र सम्पन्न भएको छ ।

शनि, कार्तिक २०, २०७३ मा प्रकाशित