Loading...

बोरुसिया डर्टमण्ड युरोपियन च्याम्पियन्सको अन्तिम १६ मा

एजेन्सी, १८ कार्तिक । युरोपियन च्याम्पियन्स लिग फुटबल अन्तर्गत गएराति भएको खेलमा विजयी हुँदै जर्मन क्लब बोरुसिया डर्टमण्ड अन्तिम १६ मा प्रवेश गरेको छ ।
डर्टमण्डले पोर्चुगलको स्पोर्टिङलाई एक शुन्यले हराउँदै दुई खेल खेल्न बाँकी हुँदै नकआउट चरणमा प्रवेश गरेको हो ।
यही समुहको अर्को खेलमा स्पेनको रियाल मड्रिडले पोल्याण्डको लेजिया वार्ससँग तीन तीन गोलको बराबरी खेलेको छ । गएरातिका खेलमा इङ्लिस क्लबहरुले भने खराब प्रदर्शन गरेका छन् । इंग्लिस क्लब टोटनह्याम हट्सपरलाई उसैको मैदानमा जर्मनीको बायर लिभरकुजेनले एक शुन्यले पराजित गरेको छ ।
लेस्टर सिटीले डेनमार्कको एफसी कोपनहेगनसँग गोलरहित बराबरी खेलेको छ । फ्रान्सको मोनाकोले भने रुसको सिएसकेए मस्कोलाई तीन शुन्यले हराएको छ । पोर्चुगलको एफसी पोर्टोले बेल्जियमको क्लब ब्रुजलाई एक शुन्यले पाखा लगाएको छ ।
समुह एचका खेलहरुमा इटालीको युभेन्टसले फ्रान्सको लियोसँग एक एक गोलको बराबरी खेलेको छ। एता स्पेनको सेभियाले क्रोएसियाको डाईनामो जाग्रबेलाई चार शुन्य गोल अन्तरले पराजित गरेको छ ।

यसमा तपाइको प्रतिक्रिया

Loading...