Loading...

जर्मन क्लब बोरुसिया डर्टमण्ड च्याम्पियन्स लिगको नकआउट चरण प्रवेश

काठमाडौ १८ कार्तिक ।  

युरोपियन च्याम्पियन्स लिग अन्तर्गत गएराति सम्पन्न खेलमा स्पोर्टिङलाई पराजित गर्दै जर्मन क्लब बोरुसिया डर्टमण्ड नकआउट चरणमा प्रवेश गरेको छ ।

खेलमा डर्टमण्डले पोर्चुगलको स्पोर्टिङ क्लबलाई १–० ले पराजित गर्दै दुई खेल खेल्न बाँकी छँदै अन्तिम १६ मा स्थान बनाएको हो ।

समुहको अर्को खेलमा स्पेनको रियाल मड्रिडले पोल्याण्डको लेजिया वार्ससँग ३–३ को बराबरी खेलेको छ । गएराति भएका खेलमा इङ्लिस क्लबहरुले भने खराब प्रदर्शन गरेका छन् ।

टोटनह्याम हट्सपरलाई उसैको मैदानमा जर्मनीको बायर लिभरकुजेनले १–० ले पराजित गर्दा लेस्टर सिटीले डेनमार्कको एफसी कोपनहेगनसँग गोलरहित बराबरी खेलेको छ ।

यसैगरी फ्रान्सको मोनाकोले रुसको सिएसकेए मस्कोलाई ३–० ले हराउँदा पोर्चुगलको एफसी पोर्टोले बेल्जियमको क्लब ब्रुजलाई १–० ले पराजित गरेको छ ।

समुह एचका खेलहरुमा ईटालीको युभेन्टसले फ्रान्सको लियोसँग १–१ गोलको बराबरी खेल्दा स्पेनको सेभियाले क्रोएसियाको डाईनामो जाग्रबेलाई ४–० ले पाखा लगायो ।

यसमा तपाइको प्रतिक्रिया

Loading...