Loading...

महेशपुर भन्सार कार्यालयको राजस्व पहिलो चौमासिक अढाई करोड 

रबिन्द्र यादव

 नवलपरासी , १५ कार्तिक । महेसपुरछोटी भन्सार कार्यालय नवलपरासीले यस आर्थिक वर्षको चारमा महिनामा करिब ढाई करोड रुपिया राजस्व संकलन गरेको छ । कार्यालयले आर्थिक वर्ष २०७३÷०४ साउन महिनादेखि कार्तिक १३ गतेसम्म कुल २ करोड, ३७ लाख, ९४ हजार २ सय ७३रुपिया राजस्व संकलन गरेको छ ।

कार्यालयले श्रावण महिनााम ७२ लाख १९ हजार ६०२ रुपिया राजस्व संकलन भएको थियो भने भदांैमा ८१लाख ५० हजार, ६९०, असोजमा ७१ लाख २६ हजार ३१ र कार्तिक को १३ गतेसम्म २२ लाख ९७ हजार ९५० रुपिया राजस्व संकलन गरेको कार्यालयका नायब सुब्बा रेवतीराज गिरीले बताउनु भयो। राजस्व गत वर्षको तुल्नामा यसवर्ष २३ प्रतिशतले बृद्धि भएको छ ।

गत वर्ष नाकाबन्दीको कारणले ४ करोड १४ लाख ९८ हजार १ सय ८० रुपैया मात्र राजश्व उठेको थियो भने यस राजस्वको निरन्तर बृद्धिदरले करिब १० करोड रुपियाराजस्व उठने अनुमान रहेको नासु गिरीले बताउनु भयो ।भन्सार कार्यालयबाट विशेष गरि चामल, खाद्यान्न, कपडा लत्ता, कागज, भाँडाकुडा, फुटकर घरायसी सामान, हार्डवेयर, राँगा भैसी, र अस्थायी सवारी साधानको निकासी पैठारी हुने गरेको भन्सार कार्यालयले जनाएको छ ।

महेसपुर भन्सार कार्यालय भैरहवा भन्सार कार्यालय अन्तर्गतको एक छोटी भन्सार कार्यालय भएपनि जिल्लाको मुख्य नाका हो । यस कार्यालय अन्तर्गतपनि भुजहवा, विसुनपुरा, झुल्नीपुर, त्रिवेणीलगायतका छोटी भन्सार कार्यालयहरु छन् । साना नाकाहरुबाट झिकाईने सामानहरुकोमहेसपुर भन्सार कार्याल्यबाट नै भन्सार काटिने गरिएको कार्यालयले जनाएको छ । फुटेज र बाईट छ ।

यसमा तपाइको प्रतिक्रिया

Loading...