Loading...

मनाङ आमन्त्रण नकआउट फुटबलको क्वाटरफाईनल प्रवेश

चितवन, कात्तिक ३ ।

मनाङ मस्याङदी क्लब टुबोर्ग विकास रनिङ शिल्ड अन्तराष्ट्रय आमन्त्रण नकआउट फुटबल प्रतियोगिताको क्वाटरफाईनलमा प्रवेश गरेको छ ।

चितवनको नारायणगढस्थित क्याम्पा चौरमा आज भएको खेलमा युनाईटेड क्लब सिवान भारतलाई पराजित गर्दै मनाङ क्वाटरफाइनलमा प्रवेश गरेको हो ।

मनाङले सिवान भारतलाई ४–१ गोलको फराकिलो अन्तरले पराजित गरेको छ । मनाङले पहिलो र दोस्रो हाफमा समान २–२ गोल गरेको थियो ।

खेलमा सिवानका कप्तान जनक कार्की अन्तिम समयमा रातो कार्ड खाँदै बाहिरिएपछि दबाबमा परेको उसले मनाङसँग पराजय ब्यहोर्न बाध्य भयो ।
मनाङले अब सेमिफाईनल प्रवेशका लागि चितवन–११ सँग प्रतिस्पर्धा गर्ने छ ।

यसमा तपाइको प्रतिक्रिया

Loading...