Loading...

गैरजिम्मेवारीपूर्ण अभिव्यक्ति नदिन ट्रम्पलाई ओबामाको चेतावनी

एजेन्सी, ३ कार्तिक । अमेरिकी राष्ट्रपति बाराक ओबामाले रिपब्लिकन पार्टीका तर्फबाट राष्ट्रपतिका उम्मेदवार डोनाल्ड ट्रम्पलाई गैरजिम्मेवारीपूर्ण अभिव्यक्ति नदिन चेतावनी दिएका छन् ।
डोनाल्ड ट्रम्पले आगामी नोभेम्बरमा हुने राष्ट्रपतीय चुनावमा धाँधली हुने अभिब्यक्ति दिएपछि ओबामाले आपत्ति जनाउँदै चेतावनी दिएका हुन् ।
राष्ट्रपति ओबामाले अब आइन्दा गैरजिम्मेवारीपूर्ण अभिव्यक्ति नदिन समेत ट्रम्पलाई सचेत गराएका छन् । चुनावको सामना गर्ने क्षमता नभएका कारण धाँधली हुने अभिब्यक्ति दिएको भन्दै ओबामाले ट्रम्प अप्रत्याशित उम्मेदवार भएको समेत बताए ।
उनले आफ्ना लागि मत माग्ने काममा लाग्नसमेत ट्रम्पलाई सुझाव दिए । ट्रम्पले यसअघि हिलारी क्लिन्टनका लागि खुलेर धाँधली हुनेमा आफू विश्वस्त रहेको बताएका थिए ।

यसमा तपाइको प्रतिक्रिया

Loading...