Loading...

लिसेस्टर सिटी च्याम्पियन्स लिगको नकआउट चरण नजिक

समूह जीमा रहेको लेस्टरले गएराति भएको खेलमा एफसी कोपनहेगनलाई १–० ले हराउँदै समूह चरणमा लगातार तेस्रो जित दर्ता गराएको हो ।
खेलको ४० औं मिनेटमा रियाद महरेजले गरेको गोल नै लेस्टरको जितमा निर्णायक बन्यो । लेस्टरले च्याम्पियन्स लिगका तीन खेलमा अहिलेसम्म पाँच गोल गरेको छ । त्यसमा चार गोलमा महरेज सहभागी छन् ।
तीन खेलबाट ९ अंक जोडेको लेस्टर समूहको शीर्ष स्थानमा छ । शीर्ष १६ मा पुग्न लेस्टरका लागि अब एक खेलमात्र जिते पुग्ने छ ।
यसअघि भएका खेलमा लेस्टरले क्लब ब्रुगलाई ३–० तथा एफसी पोर्टोलाई १–० ले हराएको थियो । समूह जी अन्तर्गत गएराति भएको अर्को खेलमा एफसी पोर्टोले क्लब ब्रुगलाई २–१ ले हराएको छ ।

यसमा तपाइको प्रतिक्रिया

Loading...