Loading...

स्क्रब टाइफसका कारण थप एकजनाको मृत्यु

काठमाडौ २ कार्तिक ।
पछिल्लो समय देखिएको स्क्रब टाइफसका कारण चितवनमा थप एक जनाको मृत्यु भएको छ ।

जिल्लाको कालिका नगरपालिका–६ का १३ वर्षीया बालिकाको स्क्रब टाइफसका कारण मृत्यु भएको चितवन मेडिकल कलेजले जनाएको छ ।

सामान्य ज्वरो आएपछि उनलाई गत भदौ २८ गते अस्पतालमा भर्ना गरिएकोमा उनको उपचारका क्रममा मृत्यु भएको अस्पतालका निर्देशक डा. दयाराम लम्सालले जानकारी दिनुभयो ।

योसँगै चितवनमा स्क्रब टाइफसका कारण मृत्यु हुनेको संख्या तीन पुगेको छ । यसअघि दुई महिलाको पनि चितवन मेडिकल कलेजमा उपचारका क्रममा मृत्यु भएको थियो ।

यसमा तपाइको प्रतिक्रिया

Loading...