निःशुल्क औषधि वितरणको बोलपत्रमा बिदेशी कम्पनिमात्रै आए

काठमाडौं, कात्तिक १ ।

स्वास्थ्य मन्त्रालयले निःशुल्क औषधि वितरणका लागि आह्वान गरेको बोलपत्रमा विदेशी औषधि उत्पादन कम्पनीले मात्र बोलपत्र हालेको जनाईएको छ ।

तर कुन–कुन कम्पनीले बोलपत्र हाले भन्ने जानकारी मन्त्रालयले सार्वजनिक गरेको छैन ।

स्वास्थ्यमन्त्री गगन थापाले मन्त्रालयले औषधिका लागि आह्वान गरेको बोलपत्रमा स्वदेशी औषधि उत्पादन कम्पनीले बोलपत्र दर्ता नगराएको बताउनु भयो ।

गत असोज महिनामा बोलपत्र आह्वान गरेकोमा स्वदेशी औषधि कम्पनीले लागत मूल्यभन्दा कम मूल्यमात्र पाइने भएकाले बोलपत्र नहालेको बताइएको छ ।

मन्त्रालयले आफ्ना मातहतका स्वास्थ्य संस्थाबाट वितरण गर्ने विभिन्न ७० प्रकारका औषधिका लागि बोलपत्र आह्वान गरेको थियो ।

सोम, कार्तिक १, २०७३ मा प्रकाशित

यसमा तपाइको प्रतिक्रिया