एएफसी सोलिडारिटी कपको तयारी तिब्र ,नेपाली राष्ट्रिय टोलिका ३० खेलाडि बन्द प्रशिक्षणमा

काठमाण्डौ ,१ कात्तिक ।

एएफसी सोलिडारिटी कप फुटबल प्रतियोगिताको खेल तालिका सार्वजनिक भएको दिनदेखि नै नेपालले तयारी सुरु गरेको छ ।

यही कार्तिक १७ गतेदेखि मलेसियामा हुने प्रतियोगिताका लागि अखिल नेपाल फुटबल संघका अनुसार प्रमुख प्रशिक्षक ग्यातुकी कोजुले नेपाली राष्ट्रिय फुटबल टोलीको तयारी सुरु गरिसकेको जनाएका छन् ।

कोजुले ३० खेलाडीलाई आईतवारदेखि नै प्रारम्भिक चरणको बन्द प्रशिक्षणमा सहभागी गराएका छन् ।

मलेसियामा हुने प्रतियोगितामा नेपाल समूह ‘ए’ मा रहेको छ । यो समूहमा ब्रुनाई र टिमोर लिस्टे रहेका छन् । सुरुमा बंगलादेश र पाकिस्तान यही समुहमा रहेपनि पछि दुबै देशले नाम फिर्ता लिएपछि नेपालले समुहमा दुई खेल मात्रै खेल्ने भएको हो ।

प्रतियोगिताको समुह ‘बी’ मा मकाउ, लाओस, मंगोलिया र श्रीलंका छन् ।

नेपालले आफ्नो पहिलो खेल कार्तिक २० गते टिमोर लिस्टेसँग खेल्नेछ । भने समुह चरणको अन्तिम खेल ब्रुनाईसँग कात्तिक २३ खेल्नेछ ।

आठ टोली सहभागी हुने सोलिडारिटी कपको समूह बीमा श्रीलंका, मकाउ, लाओस र मंगोलिया छन् ।

लिग कम नकाउटका आधारमा हुने प्रतियोगितामा दुई समूहको बिजेता र उपबिजेताले सेमिफाइनलमा स्थान बनाउनेछन् ।

सन् २०१८ को विश्वकप र २०१९ को एसियन कप छनौटबाट बाहिरिइसकेका टोलीलाई एएफसीले प्रतियोगितामा सहभागी गराएको हो

सोम, कार्तिक १, २०७३ मा प्रकाशित

यसमा तपाइको प्रतिक्रिया

अन्य खेलकुद समाचार

Like us On Facebook

Follow Us On Twitter