एएफसी सोलिडारिटी कपको खेल तालिका सार्वजनिक ,नेपाल समुह ‘ए’ मा पर्यो

काठमाण्डौ , असोज ३०।

एएफसी सोलिडारिटी कप फुटबलमा नेपाल समुह ‘ए’ मा परेको छ ।
एएफसीले आज सार्वजनिक गरेको खेल तालिका अनुसार नेपालले बंगलादेशलाई पहिलो प्रतिद्धन्दी पाएको छ ।

एसियाली फुटबल महासंघ एएफसीको आयोजनामा पहिलो पटक हुन लागेको प्रतियोगीतामा नेपाल सहित समुह ए मा टिमोर लिस्टे, ब्रुनाई र बंगलादेश छन् ।

मलेसियामा हुने सोलिडारिटी कपको पहिलो खेलमा नेपालले बंगलादेशसँग कात्तिक १७ गते खेल्नेछ । नेपालले कात्तिक २० गते टिमोर लिस्टेसँग खेल्नेछ भने समुह चरणको अन्तिम खेल ब्रुनाईसँग कात्तिक २३ खेल्नेछ ।

आठ टोली सहभागी हुने सोलिडारिटी कपको समूह बीमा श्रीलंका, मकाउ, लाओस र मंगोलिया छन् ।

लिग कम नकाउटका आधारमा हुने प्रतियोगितामा दुई समूहको बिजेता र उपबिजेताले सेमिफाइनलमा स्थान बनाउनेछन् ।

सन् २०१८ को विश्वकप र २०१९ को एसियन कप छनौटबाट बाहिरिइसकेका टोलीलाई एएफसीले प्रतियोगितामा सहभागी गराएको हो ।

आइत, अशोज ३०, २०७३ मा प्रकाशित

यसमा तपाइको प्रतिक्रिया

Loading...