नेपालसँग चीन पराजित

काठमान्डौ,असोज २९ ।
आइसीसी विश्वकप महिला क्रिकेट छनोट प्रतियोगितामा नेपालले चीनलाइ पराजित गरेको छ । हङकङमा जारी प्रतियोगिता अन्तर्गत आज विहान भएको खेलमा नेपालले चीनलाई ४ विकेटले पराजित गरेको हो ।

अर्को चरण प्रवेशको होडबाट बाहिरिए पनि नेपालले प्रतियोगिता अन्तर्गतको अन्तिम खेलमा चीनलाई पराजित गर्न सफल भएको हो ।

प्रतियोगितामा नेपालको यो तेस्रो जित हो । यसअघि नेपालले चीन र हङकङलाई पराजित गरेको थियो ।

आज भएको खेलमा टस जितेर पहिले ब्याटिङ रोजेको चीनले निर्धारित २० ओभरमा ७ विकेटको क्षतिमा ८५ रन बनाएको थियो ।

८६ रनको विजयी लक्ष्य पाएको नेपालले १५ बल बाँकी छँदै ६ विकेटको क्षतिमा लक्ष्य पुरा गरेको हो । नेपालका लागि नेरी थापाले सर्वाधिक २२ रनको योगदान गरिन् ।

यस अतिरिक्त सीता रानामगरले २०, रुबीना क्षेत्रीले अविजित १३ र इन्दु बर्माले १० रन बनाइन् ।

बलिङतर्फ रुबीनाले दुई तथा निर्मला कुमारी र करुणा भण्डारीले एकरएक विकेट लिए ।

शनि, अशोज २९, २०७३ मा प्रकाशित

यसमा तपाइको प्रतिक्रिया

Loading...