नवलपरासि र भत्तपुरमा सवारी दुर्घटना ,२को मृत्यु

 

काठमाण्डौ ,२७ असोज । नवलपरासि र भत्तपुरमा भएको छुट्टाछुट्टै सवारी दुर्घटनामा परि दुई जनाको मृत्यु भएको छ ।

पूर्वपश्चिम राजमार्ग अन्तर्गत नवलपरासीमा बस र कार ठोक्किँदा नवलपरासी प्रसौनी–२ का ४० वर्षकी नारायणी अधिकारीको मृत्यु भएको हो ।

लोकाहा पुलको ओरालोमा पोखराबाट नेपालगञ्जका लागि छुटेको ना ४ ख ७७९९ नम्बरको बस र बा १३ च १६१७ नम्बरको कार ठोक्किँदा कारमा सवार अधिकारीको मृत्यु भएको हो ।

दुर्घटनामा घाइते भएकी अधिकारीको भरतपुर मेडिकल कलेज उपचारको क्रममा मृत्यु भएको प्रहरीले जनाएको छ । यता भक्तपुरको लोकन्थलीमा भएको मोटरसाइकल दुर्घटनामा काठमाडौंका २३ वर्षका युकेश श्रेष्ठको मृत्यु भएको छ ।

भक्तपुरबाट काठमाडौंका लागि छुटेको बा २२ प ६०६९ नम्बरको मोटरसाइकल लोकन्थी १६ मनहरा पुलमा रेलिङमा ठोक्किएर दुर्घटना भएको हो । श्रेष्ठको घटनास्थलमै मृत्यु भएको महानगरिय ट्राफिक प्रहरी महाशाखाले जनाएको छ ।

बिहि, अशोज २७, २०७३ मा प्रकाशित

यसमा तपाइको प्रतिक्रिया

Loading...