विश्व कप २०१८ को छनौटमा बाज्रिल र चीलि विजयी ,उरुग्वे पाराग्वेसँग बराबरीमा

एजेन्सी ,२६ असोज ।

विश्व कप २०१८ को दक्षिण अमेरिकी क्षेत्रको छनौट चरण अन्तर्गत ब्राजिलले भेनेजुएलालाई २–० ले हराएर अंक तालिकाको शीर्ष स्थानमा उक्लिएको छ ।

आज बिहान सम्पन्न खेलमा ब्राजिलको जितका लागी गाब्रिएल जिसस र विलिएनले गोल गरेका थिए । आठौं मिनेटमा नै जिससले गोल गर्दै ब्राजिललाई सुरुवाति अग्रता दिलाए ।

पहिलो हाफमा १–० ले पछि परेको भेनेजुएललाले दोस्रो हाफमा खेलमा फर्किने प्रयास गरेको थियो । तर ५३ औं मिनेटमा विलियनले गोल गर्दै ब्राजिललको अग्रता दोब्बर पारे । ब्राजिल नेइमार बिना नै खेलेको थियो ।

जितपछि शीर्ष स्थानमा उक्लिएको ब्राजिलको १० खेलबाट २१ अंक भएको छ । ब्राजिलले उरुग्वेलाई उछिनेर शीर्ष स्थानमा उक्लिएको हो ।

आजै बिहान भएको अर्को खेलमा उरुग्वे पाराग्वेसँग २–२ को बराबरीमा रोकिएर दोस्रो स्थानमा झर्यो । उसको १० खेलबाट २० अंक छ ।

पाराग्वेसँग १–० ले हारेको अर्जे्न्टिना भने १६ अंकसहित पाँचौं स्थानमा छ ।

यस्तै आजै भएको दक्षिण अमेरिकी क्षेत्रको छनौट अन्तर्गतकै अर्को खेलमा चिली विजयी भएको छ ।
घरेलु मैदानमा भएको खेलमा चिलीले पेरुलाई २–१ ले हराएको हो । चिलीका जितमा दुवै गोल अटुरो भिडालले गरे । १० औं मिनेटमा भिडालले गोल गर्दै चिलीलाई सुरुवाति अग्रता दिलाए ।

पहिलो हाफमा १–० ले पछि परेको पेरुका लागि ७६ औं मिनेटमा एडिसन फ्लोरिसले बराबरी गोल फर्काए । तर ८५ औं मिनेटमा भिडालले व्यक्तिगत दोस्रो गोल गर्दै २–१ को जित दिलाए ।

जितपछि चिलीको १० खेलबाट १४ अंक भएको छ । उ तालिकाको सातौं स्थानमा छ ।

बुध, अशोज २६, २०७३ मा प्रकाशित

यसमा तपाइको प्रतिक्रिया

Loading...