हिन्दु धर्मले भेदभाव गरेको भन्दै २ हजार दलित बौद्ध धर्ममा प्रवेश !

असोज २६ एजेन्सी । हिन्दुहरुको प्रभुत्व रहेको भारतको अहमदावाद सहित विभिन्न ठाउका हजारौ दलितहरु ठूलो समारोहको आयोजना गरी बौद्ध धर्ममा प्रवेश गरेका छन् ।

प्रधानमन्त्री नरेन्द्र मोदीको गृहराज्य गुजरातमा दलितमाथि निरन्तर हिशा र दमन भएको भन्दै मंगलबार अहमदावाद, कालोल र सुरेन्द्र नगरमा एक समारोहका बीच उनीहरु बौद्ध धर्ममा समाहित भएका हुन् । एक विद्यार्थी अम्बिका चौहानले बच्चा देखि नै जाति प्रथा कहिले अन्त्य होला भन्ने सोचेको भन्दै अब हिन्द्ु छाडेर बौद्धमा प्रवेश गरे पछि अब समानता मिलेको महसुस भएको टिप्पणी गरेकी छन् ।

गुजरातको वेरावल गाउमा पशुको छाला निकालीरहेका दलितमाथि प्रहरीकै सामुन्नेमा उच्च जातिका मानिसले कुटपिट गरेको भिडियो भाईरल भए पछि विरोध प्रदर्शन शुरु भएको थियो । गुजरात वुद्ध ऐकेडेमीका रमेश बैंकरले बौद्ध धर्म कुनै जाति र धर्म विरुद्ध नरहेको तर यहा प्रवेश गर्ने दलितहरु जाति प्रथा हिन्दु धर्मको भेदभावबाट मुक्ति पाउन प्रवेश गरेको बताउनु भयो ।

बुध, अशोज २६, २०७३ मा प्रकाशित

यसमा तपाइको प्रतिक्रिया