महिला विश्वकप क्रिकेटको अभ्यास खेलमा नेपाल दोश्रो पटक पराजित


काठमाडौं ,२४ असोज ।
आईसीसी महिला विश्वकप २०१७ को एशियाली छनोट खेलमा नेपालले लगातार दोस्रो पराजय ब्यहोरेको छ ।

हङ्गकङ्गको मिसन रोड मैदानमा आज सम्पन्न खेलमा नेपाललाई ३ विकेटले हराउदै थाईल्याण्ड विजयी भएको छ ।

नेपालले दिएको ७७ लक्ष्य थाईल्याण्डले १८ दशमलभ ४ ओभरमा ७ विकेट गुमाउँदै भेट्टायो ।

नेपालले निर्धारित ओभरमा ८ विकेटको क्षतिमा ७६ रन बनाएको थियो । आजको खेलमा निर्मला कुमारी शाहीको उत्कृष्ट प्रदर्शन गर्दै ३६ रन बनाएर ३ विकेट लिएकी थिईन ।

उनीबाहेक अन्य कुनै पनि खेलाडिले गतिलो प्रदर्शन गर्न नसक्दा जित थाईल्याण्डको पोल्टामा परेको हो । रुविना क्षेत्री नेतृत्वको टोली आफ्नो दोश्रो खेलमा पनि पराजय बेहोरे सँग विश्वकप छनौट हुने सम्भावना कमजोर बनेको छ ।

नेपाली महिला टोलीले हिजो घरेलु टोली हङ्गकङ्ग सँग ६ विकेटको हार बेहोरेको थियो । दुई वर्ष पछि पहिलो अन्तराष्ट्रिय प्रतियोगीतामा सहभागी भएको टोलीले प्रतियोगीतामा फितलो प्रदर्शन गरेको छ । नेपालले आफ्नो तेश्रो खेलमा भोली चीन सँग प्रतिस्पर्धा गर्नेछ

सोम, अशोज २४, २०७३ मा प्रकाशित

यसमा तपाइको प्रतिक्रिया