महिला विश्वकप क्रिकेट छनोटमा नेपाल र हङकङ भिड्दै

काठमाडौं, असोज २३ ।
आइसीसी महिला विश्वकप क्रिकेटको छनोट खेलमा आज नेपाल र आयोजक हङकङबीच प्रतिस्पर्धा हुदैछ ।

हङकङमा आजबाट सुरु हुन लागेको प्रतियोगिताको पहिलो खेलमा नै नेपालले आयोजकलाई प्रतिद्वन्द्वी पाएको हो ।

पछिल्लो दुई वर्षदेखि कुनैपनि अन्तर्रा्ष्ट्रिय प्रतियोगिता नखेलेको नेपाली टोलीको लागि यो खेल सहज भने छैन ।

एसियाली क्षेत्रको छनोटमा नेपालले आयोजक हङकङसँगै चीन र थाइल्यान्डसँग खेल्नुपर्नेछ । समूहका प्रत्येक टोलीले एक–अर्कासँग दुईरदुईओटा खेल खेल्नेछन् ।

यो समूहबाट पहिलो हुनेले सन् २०१७ मा आयोजना हुने महिला विश्वकपको अन्तिम छनोट प्रतियोगितामा सहभागिता जनाउन पाउनेछन् ।

रुविना क्षेत्रीको कप्तानीमा रहेको १८ सदस्यीय नेपाली टोलीले प्रारम्भिक चरणको यो छनोट पार गर्ने विश्वास लिएको छ ।

आइत, अशोज २३, २०७३ मा प्रकाशित

यसमा तपाइको प्रतिक्रिया

Loading...