काग्रेसको बहुमत हुने गरी निर्वाचन तयारीमा लाग्न देउवाको निर्देशन

भक्तपुर, असोज २२ ।
नेपाली कांग्रेसका सभापति शेरबहादुर देउवाले देशको समृद्धिका लागि सबै निर्वाचनमा नेपाली कांग्रेसले बहुमत ल्याउने बताउनु भएको छ ।

नेपाली कांग्रेस मध्यपुरथिमि नगरसमितिले शनिबार आयोजना गरेको शुभकामना आदानप्रदान एवं सम्मान कार्यक्रममा उहाले सोहि अनुसार खटिन कार्यकर्तालाई निर्देशन पनि दिनुभयो ।

संविधानले निर्धारण गरेको समयसीमाभित्रै तीन तहकै निर्वाचन सम्पन्न हुने पनि उहाले दाबी गर्नुभयो ।

सभापति देउवाले भन्नुभयो ‘संविधानले निर्धारण गरेको समयसीमाभित्रै स्थानीय निकाय, प्रदेश र संसद एवं प्रतिनिधिसभाको निर्वाचन हुन्छ, यसमा कसैले शंका गर्नु पर्दैन, यो जिम्मेवारीलाई नेपाली कांग्रेसले पूरा गर्छ ।’

सो अवसरमा सांसदद्वय रामेश्वर ढुंगेल र डा. मनमोहन भट्टराई, नेपाली कांग्रेस भक्तपुर सभापति दुर्लभ थापा, नेविसंघ अध्यक्ष नैनसिंह महर, नेपाली कांग्रेस मध्यपुर सभापति सुरेन्द्र श्रेष्ठलगायतले समयमै निर्वाचन सम्पन्न गरेर पार्टीले आफ्नो जिम्मेवारी पूरा गर्न अग्रसर हुनुपर्ने बताएका थिए ।

कार्यक्रममा २०४२ सालमा कांग्रेसले सुरु गरेको सत्याग्रह आन्दोलनमा मध्यपुरथिमि क्षेत्रबाट सहभागी भएर सत्याग्रह गर्ने २७ जना कांग्रेस सदस्यलाई देउवाले सम्मानपत्रद्वारा सम्मान गर्नुभयो ।

शनि, अशोज २२, २०७३ मा प्रकाशित

यसमा तपाइको प्रतिक्रिया

Loading...

अन्य प्रमुख खबर समाचार

Like us On Facebook

Follow Us On Twitter