निकै वियोगान्त दशैँ गीत “अहिलेको यो दशैँ तिहारमा ” बजारमा


कमल सरगम
असोज -काठमाण्डौ

बाबा आमा सन्चै त होलान नि |

छोरा छोरी सम्झाउनु रोलान नि ||

अहिलेको यो दशैँ तिहारमा, घर आउछु भन्छु सम्झी सम्झी रुन्छु बसेकोथे रहरमा तर आउन पाइन मा त मेरो जन्म घरमा ||

तिमि खालि परदेशमै हुनी |

बुवा आमा बालबच्चा झन रुनी,

अहिलेको यो दशैँ तिहारमा, घर आउछु भन्छु घरि घरि रुवाउछौ बसेको छु भरमा त किन फर्की आउदैनौ खै आफ्नो जन्म घरमा ||

सबैका आफ्नै कथा छन आ-आफ्नै ब्यथा छन, कसैलाई हास्न रमाउन मन लाग्छ तर ओठको मुस्कान अनुहारमा हराउनु पनि कसैको बाध्यता हुन्छ | नेपालिको बाध्यता हो परदेश पस्नु, खान लाउन र बसोबासको बेबस्था गर्नकै लागी आफ्नो जन्मभुमि, बाबा-आमा, छोरा-छोरी  छोडेर बर्सौ एक्लो जिन्दगी परदेशमा बिताउनु | यस्तै अबस्थामा आउछ भित्रि मनको कुना बाट गीत संगीत सिर्जना |  यस्तै-यस्तै भावना गीत मार्फत पोखी रहने एक परदेसी हुन अर्घाखाचीका राजु बिसी अनि गीत संगीतका  एक नक्षत्र हुन्  राजु बिसी |

मिठा शब्द र लयको संयोग नया गीति सङ्ग्रह “अहिलेको यो दशैँ तिहारमा ” बजारमा लिएर आएका छन्  |  |साउदीमा ड्युटी गरिरहेका राजु बिसी सधै गीत संगीतमै रमाउछन, गीत संगीतमै रुन्छन अनि आफ्नो मनका ब्यथा गीत संगीत मै पोख्छन | ड्युटी एउटा पाटो छ भने एर्को पाटो हो लोक संगीत यो उनको दिनाचार्य हो |

कहिले काही ड्युटीमा काम गर्न छोडेर मोबाइलमा भाका भर्ने  र शब्द लेख्ने गर्दा मालिक बाट गालि खाएको अनुभव पनि सुनाउछन धेरै अप्ठेरो परस्थिति बिचमा पनि मनमा गीत संगीत फुराइ रहेका राजु बिसी प्राय: परदेशी जिबनकै बिषयमा लेखने गर्छन |

पहिले गीत ” दोहा कतारमा” को सफलता पछी निकै मर्मस्पर्सी गीत अहिलेको यो दशैँ तिहारमा भारतमा काम गर्ने गायक पदम संगीत छेत्री र चर्चित गायिका देवी घर्तीले स्वर दिएका छन | चर्चित संगीत संयोजक झलक संगीतमको संयोजनमा आलाप स्टुडियो मार्फत बजारमा आएको उक्त गीत अर्घाखाचिमा भिडियो भएको हो र सन्तोष शर्मा र सपना द्वारा अभिनित यस गीतको निर्देशन छायांकनर सम्पादन पाण्डेले गरेका छन्   आशा छ सबैको मन जित्न सफल हुनेछ राजु बिसिको यो मर्मस्पर्सी गीतले |

शनि, अशोज २२, २०७३ मा प्रकाशित

यसमा तपाइको प्रतिक्रिया