असोज २२ एजेन्सी । मेथ्यु नामक समुन्द्र आधीका कारण हाईटीमा मृत्यु हुनेको संख्या ८ सय नाघेको छ ।

दक्षिण पश्चिमी तटीय क्षेत्रमा अझै सम्पर्क स्थापित हुन नसकेकोले उद्धारकर्मी सबै क्षेत्रमा पुगे पछि मात्र मृतकको संख्या एकीन हुने अधिकारीहरुले जनाएका छन् ।
हाईटीमा करीब ३० हजार घरहरु पूर्ण रुपले क्षतिग्रस्त भएको बताईएको छ ।

एक दशकमा आएको सबै भन्दा खतरनाक आधीले ठूलो विनास गरे पछि त्याहाको राष्ट्रपतिय निर्वाचन समेत स्थगित भएको छ ।

मेथ्यु नामक आधी प्रति घण्टा १३ माईलका दरले अमेरीकाको फलोरीडा पुगेको छ ।
अमेरीकाको विभिन्न चार राज्यका पाच लाख घरमा बिजुली प्रभावित बनेको छ । फ्लोरीडामा संकटकाल घोषणा गर्दै लाखौ मानिसलाई सुरक्षित स्थानमा लगिएकाले अहिले सम्म मानवीय क्षति भने नभएको अमेरीकी अधिकारीहरुले जनाएका छन् ।

शनि, अशोज २२, २०७३ मा प्रकाशित