मानसिक स्वास्थ्यलाई प्राथमिक श्वास्थ्य केन्द्र सम्म पुर्याईनेः मन्त्री थापा

असोज २० काठमाण्डौं । श्वास्थ्य मन्त्री गगन थापाले मानसिक स्वास्थ्यलाई प्राथमिक श्वास्थ्य केन्द्र सम्म पुर्याउने सरकारको योजना रहेको बताउनु भएको छ ।
विश्व मानसिक श्वास्थ्य दिवसको अवसरमा आज प्रथम पाईला मासिक र अमृता फाउण्डेसनले श्वास्थ्य मन्त्रालयमा आयोजन गरेको अन्तरक्रिया कार्यक्रममा बोल्दै मन्त्री थापाले नेपालमा पछिल्लो समय मानसिक श्वास्थ्यलाई सरकारले बिशेष महत्व दिएको बताउनु भयो ।
मन्त्री थापाले मानसीक एव मनोसामाजिक सुस्वास्थ्यका लागि राष्ट्रिय अभियानको घोषणा समेत गर्नु भयो । मनोविद गोपाल ढकाललाई अभियानको ब्यानर दिएर अभियानको घोषणा गर्नु भएको थियो ।
श्वास्थ्य सचिव डा. सेनेन्द्रराज उप्रेतीले नेपालमा अझै पनि मानसिक श्वास्थ्यका विषयमा आम जनतामा बुझाउन नसकिएको बताउनु भयो ।
कार्यक्रममा मानसिक अस्पताल पाटनका निर्देशक डा. सुरेन्द्र शेरचनले नेपालको मानसिक श्वास्थ्य अवस्थाको बारेमा कार्यपत्र प्रस्तुत गर्नु भएको थियो ।
यस्तै प्रा. डा सरोज प्रसाद ओझाले पनि नेपालमा बढ्दै गएको मानसीक श्वास्थ्य समस्याको बारेमा धारणा राख्नु भएको थियो ।
कार्यक्रममा चिकित्सक सहित मानसिक श्वास्थ्यको क्षेत्रमा काम गर्ने १० जनालाई सम्मान गरिएको थियो ।
आगामी अक्टोबर १० गते प्राथमिक मनोबैज्ञानिक सहयोग भन्ने नाराका साथ विश्व मानसिक श्वास्थ्य दिवस नेपालमा पनि विभिन्न कार्यक्रम गरी मनाईदै छ ।

बिहि, अशोज २०, २०७३ मा प्रकाशित

यसमा तपाइको प्रतिक्रिया

Loading...