रुसद्धारा सिरीयामा डिफेन्स मिसाईल तयार

असोज १९ २०७३, एजेन्सी । रुसले अमेरीकाद्धारा वार्ता भंग गरिएपछि सुरक्षा सतर्कता अपनाउन सिरीयामा डिफेन्स मिसाईल तैनाथ गरेको छ ।

टारटुस तटमा रहेको नौसैनिक अड्डामा एस ३०० नामक हवाई प्रतिरक्षा मिसाईल तैनाथ गरिएको रुसले जनाएको छ ।
रुसी रक्षा मन्त्रालयका प्रवक्ता ईगोर कोनासेकोवले यो आफ्नो सुरक्षाका लागि मात्र केन्द्रीत भएकाले अरु कोही आत्तिनु नपर्ने प्रष्ट पार्नु भएको छ ।
अमेरीकाले रुससगको वार्ता एकतर्फी रुपमा भंग गरे पछि रुसले सुरक्षा सतर्कता बढाएको छ ।
रुस सिरीयाली राष्ट्रपति बसर अल असदको पक्षमा उभिएको छ भने अमेरीका राष्ट्रपतिलाई अपदस्त गराउन चाहने विद्रोहीको पक्षमा उभिएको छ ।
सिरीयामा विगत पाच वर्षदेखि जारी द्धन्दको क्रममा २ लाख बढी मानिसको मृत्यु भईसकेको छ भने ३० लाख भन्दा बढी विस्थापित भईसकेका छन् ।

बुध, अशोज १९, २०७३ मा प्रकाशित

यसमा तपाइको प्रतिक्रिया

Loading...