अमेरीका र रुसबीचको सिरीया वार्ता रद्ध

असोज १८ २०७३ , एजेन्सी । रुस र अमेरीकाबीच सिरीया युद्धको विषयमा जारी वार्ता रद्ध भएको छ । रुसले युद्ध विरामको पालना नगरेको भन्दै अमेरीकाले एकतर्फी रुपमा वार्ता भंगको घोषणा गरेको छ ।
अमेरीकी विदेश मन्त्रालयले रुसले सिरीया सरकारलाई युद्ध रोक्न राजी गराउन पनि नसकेको र आफूले पनि पालना नगरेको आरोप लगाएको छ ।
उता रुसी विदेश मन्त्रालयका प्रवक्ता मारिया उखारोवाले अमेरीकाले सहमति आफू लागु नगर्ने र दोषजति रुसमाथि थोपर्ने गरेको समस्या भएको बताउनु भयो ।
उहाले वार्ता निलम्बन गर्ने अमेरीकी निर्णय दुर्भाग्यपूर्ण भएको टिप्पणी गर्नु भएको छ । रुसी विदेश मन्त्री सरगई लाभरोभले सिरीयाली राष्ट्रपतिलाई अपदस्त गर्न अमेरीकाले लडाकु समुहलाई सहयोग गरीरहेको बताउनु भएको छ । अघिल्लो महिना जेनेभामा दुवै देशले युद्ध विराम गराउने सहमति गरेका थिए ।

मङ्ल, अशोज १८, २०७३ मा प्रकाशित

यसमा तपाइको प्रतिक्रिया

Loading...