संविधान संशोधनपछि सबैको अधिकार सुनिश्चित हुन्छ : प्रधानमन्त्री

काठमाडौ १७ असोज ।
प्रधानमन्त्री पुष्पकमल दाहाल प्रचण्डले संविधान संशोधन मार्फत मधेशी, थारु र मगर लगायत आदिवासी जनजातिहरुको हक अधिकार सुनिश्चित हुने बताउनु भएको छ ।

बालुवाटारस्थित प्रधानमन्त्री निवासमा आज बिहान सर्वदलीय, सर्वपक्षीय मगर प्रतिनिधिहरुसँगको भेटमा उहाँले सो कुरा बताउनु भएको हो ।

संविधान निर्माणका क्रममा मधेशी, थारु र मगरहरुको कलष्टर अलग–अलग पर्न गएको उल्लेख गर्दै उहाँले यस पटक सबैलाई न्याय हुने गरी संविधान संशोधनको प्रयास भइरहेको बताउनु भयो ।

हिमाल, पहाड र तराईको भावना समेटेर आन्तरिक एकता बलियो पार्न सरकार क्रियाशील प्रधानमन्त्रीको भनाई थियो ।

सो क्रममा मगर प्रतिनिधिहरुले स्वायत्त मगराँत प्रदेशको व्यवस्था, समावेशी, सामुदायिक सघनताका आधारमा गाउँपालिका र नगरपालिका निर्माण, आदिबासी जनजातिका प्रथाजन्य कानूनलाई वैधानिकता दिनुपर्ने लगायतका विषयमा प्रधानमन्त्रीको ध्यानाकर्षण गराएका थिए ।

सोम, अशोज १७, २०७३ मा प्रकाशित

यसमा तपाइको प्रतिक्रिया

अन्य प्रमुख खबर समाचार