अलाभेसलाई पराजित गर्दै सेभिल्ला दोस्रो स्थानमा

काठमाडौं, १६ असोज । अलाभेसलाई पराजित गर्दै सेभिल्ला स्पेनिस ला लिगको दोस्रो स्थानमा उक्लेको छ ।
गएराति भएको खेलमा अलाभेसलाई दुइ एकले हराएर सेभिल्ला बार्सिलोनालाई पछि पार्दै दोस्रो स्थानमा उक्लिएको हो ।
सेभिल्लाको जितमा बेन यडर नायक बने । पहिलो हाफमा गोलरहित बराबरी भएको खेलमा ७४ औं मिनेटमा यडरले सेभिल्लालाई अग्रता दिलाए । त्यसको १० मिनेटपछि अलाभेसका लागि भिक्टर लगार्डियाले बराबरी गोल फर्काए । तर अन्तिम समयमा यडरले व्यक्तिगत दोस्रो गोल गर्दै सेभिल्लालाई २–१ को जित दिलाए ।
बार्सिलोनालाई पछि पारेको सेभिल्लाले शीर्ष स्थानको रियल मड्रिडसँगको अंक बराबरी गरेको छ । दोस्रो स्थानको सेभिल्लाको सात खेलबाट १४ अंक भएको छ । एक खेल कम खेलेका रियल र बार्सिलोनाको क्रमशः १४ र १३ अंक छ ।
राति भएका अरु खेलमा लेगानेसले ग्रनाडालाई १–० तथा डिप्रोटिभो डी ला कोरुनाले स्पोर्टिङ गिजोनलाई २–१ ले हराए । यस्तै ओसासुना र लास पालमसले २–२ को बराबरी खेल्दै अंक बाँडेका छन् ।

आइत, अशोज १६, २०७३ मा प्रकाशित

यसमा तपाइको प्रतिक्रिया

Loading...