अमेरिकाले सिरीयाको विद्राही समूहको संरक्षण गरेको रुसको आरोृप

एजेन्सी असोज १५ ।
अमेरिकाले सिरियाको बिद्रोही समूहको संरक्षण गरेको रुसले आरोप लगाएको छ । रुसी विदेश मन्त्री सर्गेइ लाभरोभले सिरियाली राष्ट्रपति बसर अल असदलाई पदबाट हटाउनका लागि अमेरिकाले बिद्रोही समूहको संरक्षण गरेको आरोप लगाउनु भएको बिबिसीले जनाएको छ ।

अमेरिकाले अल–नुस्रा फ्रन्टको नामबाट चिनिएको जबह फतह अल शाम समूहलाई साथ नदिने बताए पनि सहयोग गर्न भने नछोडेको रुसी विदेशमन्त्री लाभरोभले बताउनुभयो ।

जबह फतह अल शाम अलकायदासँग सम्बद्ध समूह हो । तर अमेरिकाले भने रुसी आरोपको खण्डन गरेको छ । जबह फतह अल शाम बिद्रोही समूह तथा स्थानीय नागरिकसँग घुलमिल भएकाले उसमाथि आक्रमण नगरिएको अमेरिकाले जनाएको छ ।

रुसले हवाई आक्रमण गरेर उदार बिद्रोहीलाई कट्टरपन्थी गुटमा सामेल हुन बाध्य पार्ने गरेको अमेरिकाले आरोप लगाएको छ ।

शनि, अशोज १५, २०७३ मा प्रकाशित

यसमा तपाइको प्रतिक्रिया

अन्य विदेश समाचार