ग्यास बुलेट ल्याउन संसदिय समितिको निर्देशन

काठमाडौं ,१३ असोज ।

ब्यावस्थापिका संसद्को उद्योग वाणिज्य तथा उपभोक्ता हित सम्बन्ध समितिले नेपाली व्यवसायीकै स्वामित्व रहने गरी पुनः ग्यास वुलेट आयात गर्न सरकारलाई निर्देशन दिएको छ ।

ग्यास बोक्ने बुलेट ल्याउनेरनल्याउने विवाद कायमै रहेका बेला समितिको आजको बैठकले ग्यास बुलुट ल्याउने वातावरण बनाउन आपूर्ति मन्त्रालयलाई निर्देशन दिएको हो ।

एलपी ग्यास ढुवानी गर्ने बुलेट आयातका बिषयमा लामो समयको छलफल र निगम, मन्त्रालय एवं संसदीय समितिको निर्णय र निर्देशनबमोजिम नै खरिद प्रक्रिया अगाडि बढेको समिले जनाएको छ ।

यस्तै समितिले सरकारले भन्सार महसुल छुट दिइसकेको र निगमले खरिद गर्न स्वीकृति दिइसकेको अवस्थामा वास्तविकता र आवश्यकतालाई मध्यनजर गरी नेपाली व्यवसायीकै स्वामित्व रहने गरी बुलेट खरिद प्रक्रिया यथाशीघ्र अगाडि बढाउन पनि मन्त्रालाई निर्देशन दिएको छ ।

नेपाल आयल निगमले गत साउन ४ गते नेपाली व्यवसायीले ग्यास बोक्ने बुलेट ल्याउन पाउने गरी निर्णय गरे पनि भोलिपल्टै आपूर्ति मन्त्रालयले खरिद प्रक्रिया अघि नबढाउने निर्णय गरेको थियो ।

यसबारे पक्ष विपक्षका व्यवसायीहरूबीचको ‘लबिङ’ का कारण हालसम्म बुलेट खरिद खुला हुन सकेको छैन ।

बिहि, अशोज १३, २०७३ मा प्रकाशित

यसमा तपाइको प्रतिक्रिया

अन्य विजनेस समाचार

Like us On Facebook

Follow Us On Twitter