बालाजु औद्योगीक क्षेत्रका चारवटा पसल कार्वाहिमा


काठमाडौं, असोज १३ ।
गुणस्तर तथा नापतौल विभागले अनुमति नै नलिइ पसल सञ्चालन गरेको भन्दै बालाजु औद्योगिक क्षेत्रभित्रका चारवटा पसललाई कारबाही गरेको छ ।

२०४१ सालदेखि अनुमति नै नलिइ पसल सञ्चालन गरेको, दर्ता र नवीकरण बिनानै ढक तराजु प्रयोग गरेकाले बोटलर्स नेपाल प्रालिलाई चार हजार रुपैयाँ जरिवाना गरिएको छ ।

त्यस्तै कर्माचार्य प्लाष्टिक उद्योग, बालाजु दालपिन र मोर्डन स्लिपर इन्डष्ट्रिजका पनि ढकतराजु जफत गरी तीन दिनभित्र कार्यालयमा उपस्थित हुन निर्देशन दिइएको गुणस्तर तथा नापतौल विभाग क्षेत्रीय कार्यालय काठमाडौंका प्रमुख शशिभुषण यादवले जानकारी दिनुभयो ।

बिहि, अशोज १३, २०७३ मा प्रकाशित

यसमा तपाइको प्रतिक्रिया