शेयर बजारमा कानुनी सल्लाहका लागी “क्यापिटल मार्केट ल फर्म”

काठमाण्डौ ,१२ असोज ।

पछिल्लो समय शेयर बजारमा थुप्रै कानुनी समस्याहरु देखा पर्ने गरेका छन् ।
तिनै समस्याको समाधानका लागी अधिवक्ता नारायणप्रसाद तिम्सिनाले आफ्नै पहलमा ल फर्म सञ्चालनमा ल्याउनु भएको छ ।

“क्यापिटल मार्केट ल फर्म” को नाममा सन्चालनमा आएको ल फर्ममा नेपाली पूँजी बजारका समस्याका लागि लगानिकर्ताहरुले कानुनी सल्लाह पाउने छन् ।

काठमाण्डौको बसुन्धरामा रहेको यस फमबाट लगानिकर्ताले शेयर तथा पूँजी बजारसम्बन्धि कुनैपनि समस्याको लागि सहयोग गर्ने अधिवक्ता तिमिल्सिनाले बताउनु भयो ।

यसअघि नेप्सेका कम्पनी सचिव समेत रहनुभएका तिम्सिनाले भन्नुभयो, “हाम्रो यो ल फर्म नितान्त पूँजी बजारका लगानीकर्ताको अदालती सहयोगका लागि स्थापना गरिएको हो , सर्वसाधारण लगानीकर्ताका लागि कानुनी उपचारको बाटो दखाउँछौं ।”

मिर्मिरेसँगको कुराकानीमा उहाले फर्मले पूँजीबजारमा देखिएका विकृति विसंगतीका विरुद्धमा आवाज उठाउने साथै पूँजीबजार सम्बन्धि नीति नियम बनाउन कानुनी सल्लाहाकारको रुपमा सहयोग गर्ने पनि बताउनु भयो ।
नेप्सेको कम्पनि सचिवबाट यहि साउनमा उहाले अवकास पाउनु भएको हो ।

बुध, अशोज १२, २०७३ मा प्रकाशित

यसमा तपाइको प्रतिक्रिया