ट्रम्पद्वारा वरिष्ठ पत्रकार होल्टले पक्षपात गरेको आरोप

काठमाडौं, १२ असोज । अमेरिकी राष्ट्रपति पदका रिपब्लिकन उम्मेदवार डोनाल्ड ट्रम्पले राष्ट्रपतीय बहसका सञ्चालक वरिष्ठ पत्रकार लेस्टर होल्टले पक्षपात गरेको आरोप लगाएका छन् । ट्रम्पले आफ्ना विपक्षी डेमोक्र्या्टिक उम्मेदवार हिलारी क्लिन्टनलाई भन्दा आफूलाई कडा र धेरै प्रश्न सोधेर कार्यक्रम सञ्चालकले पक्षपात गरेको आरोप लगाएका हुन् । उनले आफ्नो माइक्रोफोनको आवाज समेत तीखो बनाइएको आरोप होल्टमाथि लगाएका छन् । ट्रम्पले अमेरिकी समाचार कार्यक्रम फोक्स एन्ड फ्रेन्ड्समा क्लिन्टनको इमेल प्रकरण र उनका स्क्यान्डलबारेमा केही पनि नसोधिएको भन्दै यसबारे आफू आश्चर्यमा परेको बताए । कार्यक्रम लगत्तै भने ट्रम्पले पत्रकारहरुसँग कार्यक्रम सञ्चालकले राम्रो काम गरेको भन्दै प्रशंसा गरेका थिए ।

बुध, अशोज १२, २०७३ मा प्रकाशित

यसमा तपाइको प्रतिक्रिया

Loading...