प्रसूति गृहले बहिरंग सेवाको समय बढायो

काठमाडौं ,११ असोज ।

थापाथलीस्थित प्रसूति गृहले आजदेखि बहिरंग सेवाको समय बढाएर विहान ९ बजेबाट दिउँसो ४ बजेसम्म बनाएको छ ।

यसअघि १० बजेदेखि २ बजेसम्म रहेको बहिरंग सेवाको समय सरकारको निर्णय अनुसार थप तीन घण्टा बढाईएको अस्पतालका निर्देशक जागेश्वर गौतमले जानकारी दिनुभयो ।

तर बेलुकी पाँच बजेसम्म बनाउँदा ढिला हुने भएकाले विहान एक घण्टा अगावैदेखि सेवा सञ्चालन सुरु गरेको उहाको भनाई छ । बहिरंग सेवाको समय अघि सार्दा अस्पतालको कामकारवाहीमा खासै असर नपरेको उहाको भनाइ छ ।

प्रधानमन्त्री प्रचण्डले देशबासीलाई सम्बोधन गर्दै सम्पूर्ण सरकारी अस्पतालहरुमा विहान १० बजेदेखि दिउँसो २ बजेसम्म सञ्चालन हुँदै आएको बहिरंग सेवालाई बेलुकी ५ बजेसम्म बनाउन निर्देशन दिनुभएको थियो ।

मङ्ल, अशोज ११, २०७३ मा प्रकाशित

यसमा तपाइको प्रतिक्रिया

Loading...