सिमरा, भैरहवा र पोखरामा पनि नेपाल एयरलाइन्सले उडान भर्ने

११ असोज, काठमाडौं ।

नेपाल वायुसेवा निगमले दशैंलाई लक्षित गर्दै भोलिदेखि आन्तरिक तर्फ सिमरा, भैरहवा र पोखरामा उडान भर्ने भएको छ ।

निगमका प्रवक्ता रामहरि शर्माका अनुसार दशैंमा यात्रुको चाप हुने भएकाले त्यसलाई व्यावस्थापन गर्न भोलीबाट उडान भर्ने निर्णय भएको हो ।

सिमरा, भैरहवा र पोखरामा भोलीदेखि दैनिक एक पटक उडान भर्ने उहाले बताउनु भयो । पोखराको फ्लाइट बिहान साढे ६ बजे , सिमराको बिहान साढे ८ बजे र भैरहवा बिहान साढे १० बजे हुनेछ ।

५ बर्ष अघि उडान बन्द गरेको निगमले पुन सिमरामा उडान सुरु गर्न लागेको हो । पोखरा र भैरहवामा भने जहाज विग्रिएका कारण केही महिनायता उठान रोकिएको थियो ।

मङ्ल, अशोज ११, २०७३ मा प्रकाशित

यसमा तपाइको प्रतिक्रिया