दसैं ,तिहारमा मुस्ताङबाट ४५ हजार भेडा च्याङ्ग्रा निकासा गरिने

काठमाडौ ११ असोज ।
नजिकिँदै गएको दसैं र तिहारलाई लक्षित गरी मुस्ताङबाट ४५ हजार भेडा–च्याङ्ग्रा निकासी गरिने भएको छ । जिल्ला पशु सेवा कार्यालय मुस्ताङले यस वर्षको दसैं र तिहारका लागि ४५ हजार भेडा च्याङ्ग्रा निकासीको तयारी भएको जनाएको हो ।

मुस्ताङमा उत्पादित भेडा च्याङ्ग्रा म्याग्दी, पर्वत, बागलुङ, कास्की, काठमाडौं, तनहुँलगायतका जिल्लामा बिक्री हुने गरेका छन् । हिमाली भेगमा हुर्किएका भेडा–च्याङग्राको मासु स्वादिलो हुने भएकाले देशका विभिन्न बजारमा यसको माग उच्च छ ।

अहिले सामान्यतया २० देखि ४० किलोग्रामका च्याङ्ग्रा बजारमा गएको र एउटाको मूल्य न्यूनतम १५ हजारदेखि ३० हजारसम्म पर्ने गरेको जिल्ला पशुसेवा कार्यालय मुस्ताङका प्रमुख नन्दलाल बर्माले जानकारी दिनुभयो ।

मङ्ल, अशोज ११, २०७३ मा प्रकाशित

यसमा तपाइको प्रतिक्रिया

Loading...