विशाल वारियर्सद्धारा सगरमाथा लिजेन्ट्सलाई २५ रनले पराजित


काठमाडौं, असोज १०।

एभरेष्ट प्रिमियर लिग क्रिकेट इपिएल अन्तर्गत आज भएको दोस्रो खेलमा विशाल वारियर्सले सगरमाथा लिजेन्ट्सलाई २५ रनले हराएको छ ।

कीर्तिपुर मैदानमा भएको खेलमा टस हारेर पहिले ब्याटिङ पाएको विशाल वारियर्सले निर्धा्रित ओभरमा ४ विकेट गुमाएर १ सय ७४ रन बनायो ।

विशाल वारियर्सका लागि कप्तान पारस खड्काले ४५ बलमा ९९ रन बनाए । उनले २ चौका र १० छक्का हानेका थिए । यस्तै सुरज कुर्मीले ४० बलमा ३० रन बनाए ।

१ सय ७५ रनको लक्ष्य पछ्याएको सगरमाथा लिजेन्ट्सले २० ओभर पूरा खेलेर ५ विकेट गुमाएर १ सय ४९ रन मात्र बनाउन सक्यो ।

सगरमाथाका लागि सुनिल धमलाले ६० बलमा ८७ रन र मेहबुब आलमले १३ बलमा २७ रन बनाए पनि जितका लागि पर्याप्त भएन । विशाल वारियर्सका सुशन भारीले २ साथै दिपेश खत्री र सागर पुनले एक एक विकेट लिए ।

सोम, अशोज १०, २०७३ मा प्रकाशित

यसमा तपाइको प्रतिक्रिया