प्रिमियर लिगमा साउथह्याम्पटनद्धारा वेष्ट ह्याम पराजित

एजेन्सी ,असोज १० ।
इङ्गलिस प्रिमियर लिग फुटबल अन्तर्गत आज राति बर्न्ले र वाट्फोर्डविच प्रतिस्पर्धा हुदै छ ।

गएराती भएको खेलमा साउथह्याम्पटनले वेष्ट ह्याम युनाईटेडलाई पराजित गरेको छ ।

लण्डन क्लव वेष्ट ह्याम युनाईटेडको मैदानमा भएको खेलमा साउथह्याम्पटनले वेष्ट ह्यामलाई ३÷० ले पराजित गरेको हो ।

खेलमा साउथह्याम्पटनलाई विजयी गराउन चार्ली अष्टीन, डुसान टाडिच र वार्ड प्रौजले एक एक गोल गरे । लिगमा ६ खेल सकिंदा ३ अंक मात्रै जोडेको वेष्ट ह्याम रेलिगेशन क्षेत्रको १८ औं स्थानमा रहेको छ ।

समान ६ खेलबाट १८ अंक जोडेको म्यान्चेस्टर सिटी शिर्ष स्थानमा छ भने १४ अंक जोडेको टोटनह्याम हट्सपर दोस्रो स्थानमा छ ।

सोम, अशोज १०, २०७३ मा प्रकाशित

यसमा तपाइको प्रतिक्रिया

Loading...