सिरियामा भइरहेको कार्वाहीबारे रुसले गलत सूचना दियो : अमेरिका

एजेन्सी ,१० असोज ।
अमेरिकाले सिरियामा भइरहेको कार्वाहीबारे रुसले गलत सूचना दिएको आरोप लगाएको छ । सिररियामा भइरहेको युद्धका बारेमा छलफल गर्न बसेको संयुक्त राष्ट्रसंघ सुरक्षा परिषदको आपतकालीन बैठकमा अमेरिकाले यस्तो बताएको हो ।

उसले सिरियामा रुसले गरिरहेको कारवाहीलाई बर्बरताको संज्ञा दिएको छ । राष्ट्रसंघका लागि अमेरिकी राजदूत सैमन्था पावरले सिरियामा रुसी कार्वाही आतंकवाद विरुद्धको कारबाही नभएर आम जनता विरुद्धको बर्बरता मात्र भएको दावी गर्नुभयो ।

विपक्षीहरुको आश्रय स्थल एलेप्पोमा रुस र सिरियाली सेनाले स्थल र हवाई दुबै तर्फबाट आक्रमण गरेको भन्दै उहाले हालैको दिनमा मात्र १ सय ५० भन्दा बढी हवाई आक्रमण गरिएको जानकारी दिनुभयो ।

बैठकमा बोल्दै रुसी राजदूत विटाली चुरकिनले सिरियामा शान्ति कायम गर्नु लगभग असम्भव भएको भन्दै विद्रोही पक्षले नै संघर्ष विराम तोडेको आरोप लगाउनु भएको छ ।

सिरियाका लागि राष्ट्रसंघीय विशेष दूत स्टेफान डी मिस्तूराले पनि एलेप्पोमा आतंक नयाँ उचाईमा पुगेको बताउनु भयो । एलेप्पोमा पछिल्लो आक्रमणमा मात्र ५२ जना भन्दा बढी मारिइसकेको अन्तर्राष्ट्रिय सन्चार माध्यमले जनाएका छन् ।

सोम, अशोज १०, २०७३ मा प्रकाशित

यसमा तपाइको प्रतिक्रिया