सिरियाको एलेप्पोमा बढ्दो सैनिक हस्तक्षेपप्रति राष्ट्रसंघको चिन्ता

एजेन्सी ९ असोज ।
संयुक्त राष्ट्र संघका महासचिव बान कि मूनले सिरियाको एलेप्पोमा बढ्दो सैनिक हस्तक्षेप र यसबाट सर्वसाधारण मारिने क्रम बढेकोमा दुःख व्यक्त गर्नुभएको छ ।

लगातार गरिएका हवाई र बम आक्रमणबारे चासो राख्दै महासचिव बानले विश्वभरको प्रतिवद्धता हुँदाहुँदै पनि मानवीय सुरक्षा गर्न विफल हुनु अत्यन्त दुःखदायी भएको बताउनु भयो ।

सिरियाली सरकारले विद्रोही नियन्त्रित एलेप्पोमा लगातार हवाई आक्रमण गर्दा त्यहाँको सर्वसाधारणको जनजीवन कष्टकर बनेको छ । संघर्षकै कारण त्यहाँका बीस लाख मानिस पानी पिउन नपाएको राष्ट्रसंघले जनाएको छ ।

पश्चिम एलेप्पो कब्जा गर्न आक्रामक रणनीति लिइएको सिरियाली सेनाले त्यहाँ लगातार आक्रमण गरिरहेको छ । सिरियाली सरकारी फौजलाई रुसले सघाएको छ भने विपक्षीलाई अमेरिकाले सघाएको छ ।

एलेपपोमा पछिल्लो आक्रमणमा मात्र २७ जना मारिएका थिए । सरकारी सेनाको हवाई आक्रमणमा उनीहरु मारिएका हुन् ।

आइत, अशोज ९, २०७३ मा प्रकाशित

यसमा तपाइको प्रतिक्रिया