बार्सिलोनाले गिजोनलाई पाँच ठोक्यो, रियल मड्रिड र पाल्मास बराबरी

काठमाडौं, ९ असोज । स्पेनिस ला लिगामा डिफेन्डिङ च्याम्पियन बार्सिलोनाले स्पोर्टिङ गिजोनलाई पाँच शुन्यले हराएको छ । लिओनल मेस्सी विनाको बार्सिलोनालाई सहज जित दिलाउन नेयमारले दुई गोलको योगदान गरे । बार्सिलोनाका लागि लुइस स्वारेजले २९ औं मिनेटमा पहिलो गोल गरेर शुरुवाती अग्रता दिलाए । त्यसपछि ३२ औं मिनेटमा राफिन्हाले गोल गर्दै गोल अन्तर दुई शुन्यमा पु¥याए । थप तीन गोल बार्सिलोनाले खेलको दोस्रो हाफको सात मिनेटको बीचमा गरेको हो । ७४ औं मिनेटमा अलबेर्टो लोरा रातो कार्ड खाँदै बाहिरिएपछि गिजोन दबाबमा परेको थियो । बार्सिलोनाका लागि त्यसपछि खेलको ८१ औं मिनेटमा नेयमारले गोल गरे । उनले गोल गरेको चार मिनेटमै आर्डा टारुनले गोल गर्दै अग्रता चार शुन्यमा पु¥याए । त्यसपछि खेलको ८८ औं मिनेटमा बार्सिलोनाका लागि नेयमारले थप एक गोल गर्दै पाँच शुन्यको फराकिलो जित निश्चित गरे ।
गएराति नै भएको अर्काे खेलमा रियल मड्रिड र लास पाल्मासले दुई दुई गोलको बराबरी खेलेका छ । खेलमा रियलका लागि मार्को एसेन्सियो र करिम बेन्जिमाले गोल गरे । पाल्मासका लागि टाना र सर्जियो इजेक्वियल आराउजोले गोल गरे । बराबरीसँगै दुबै टिमले अंक बाँडेका छन् । अन्य खेलहरूमा एथ्लेटिको बिल्बाओले सेभिल्लालाई तीन एक गोल अन्तरले र इआबारले रियल सोसिडाडलाई दुई शुन्यले पराजित गरेका छन् ।

आइत, अशोज ९, २०७३ मा प्रकाशित

यसमा तपाइको प्रतिक्रिया

अन्य खेलकुद समाचार

Like us On Facebook

Follow Us On Twitter