म्यानचेष्टर सिटीको विजयी यात्रा कायमै, आर्सनलले चेल्सीलाई हरायो

काठमाडौं, ९ असोज । इंग्लिस प्रिमियर लिग फुटबलमा लिग लिडर म्यानचेष्टर सिटीले विजयी यात्रा कायमै राखेको छ । गएराति भएको खेलमा म्यानचेस्टर सिटीले स्वान्सी सिटीमाथि तीन शुन्य गोल अन्तरको जीत निकालेको छ । सिटीको जितमा सर्जियो एग्युरोले दुई र राहिम स्टर्लिङले एक गोलको योगदान दिए । स्वान्सीका लागि फर्नान्डो लोरेन्टेले सान्त्वना गोल गरे । यस सिजनबाट पेप ग्वार्डिओलाको प्रशिक्षणमा रहेको सिटीको यो लगातारको दशौं जित हो । शनिबार राती भएको अर्को खेलमा आर्सनलले चेल्सीलाई तीन शुन्यले हराएको छ । आर्सनलको मैदानमा भएको खेलमा घरेलु टोलीले पहिलो हाफमै ३ गोल गरेको हो । आर्सनलका लागि अलेक्सिस सान्चेज, थियो वाल्कट र मेसुट ओजीलले एक एक गोल गरे ।

आइत, अशोज ९, २०७३ मा प्रकाशित

यसमा तपाइको प्रतिक्रिया

Loading...