चन्दा संकलनका क्रममा पक्राउ वैद्य माओवादीका कार्यकर्ता छुटे

बुद्ध शरण शाही

काठमाण्डौ ,८ असोज ।

चन्दा संकलनका क्रममा पक्राउ परेका वैद्य नेतृत्वको नेकपा क्रान्तिकारी माओवादीका चार नेता कार्यकर्तालाई प्रहरी आज रिहा छ ।

पूर्व सांसद शिवलाम यादव , राम नेपाली , महेश श्रेष्ठ , दिपेन्द्र सुनुवारलाई आज छोडेको हो । प्रहरीले चारै जनालाई कमलपोखरी स्थित प्रहरी वृत्तमा राखेको थियो ।भोली अदालतमा हाजिर हुने सहमती अनुसर छोडिएको जनाईएको छ । प्रहरी हिरासतमै अनशन बसेका उनीहरुको समर्थनमा बिभिन्न मानव अधिकार संघ संगठनले पनि तत्काल रिहाईको माग गरेका थिए ।

क्रान्तिकारी माअ‍ोवादीले पनि हिजो उनीहरुको रिहाईको माग गर्दै एक घण्टा शान्तिपुर्ण बिरोध प्रदर्शन गरेको थियो ।

जबरजस्ती चन्दा संकलन गरेको भन्दै पक्राउ परेका चारै जनाबिरुद्ध जिल्ला अदालत काठमाण्ठडौमा मुद्धा दर्ता गराएको छ । अदालतमा मुद्धा दर्ता भईसकेपछि आज रहस्यमयी तरिकाले उनीहरुलाई प्रहरीले छाडेको छ ।

जबरजस्ती चन्दा लिएको सावित नभएकोले अदालतमा उपस्थित हुने सर्तमा हिरासत मुत्त गरिएको प्रहरी स्रोतको भनाई छ ।

यसैबीच क्रान्तिकारी माओवादीले पूर्वसांसद यादव सहितका नेता कार्यकर्तालाई शान्तिवाटिकामा एक कार्यक्रमको आयोजना गरि स्वागत गरेको छ ।

शनि, अशोज ८, २०७३ मा प्रकाशित

यसमा तपाइको प्रतिक्रिया

Loading...