बोर्डाेलोई ट्रफिको दोस्रो खेलमा आज थ्रीस्टारले ओयलसँग प्रतिस्पर्धा गर्दै

एजेन्सी असोज ७ ।
भारतको गुवाहटीमा जारी ६४ औँ संस्करणको बोर्डोलोई ट्रफीको दोस्रो खेलमा आज थ्री स्टार क्लबले ओयल इन्डिया फुटबल क्लबसँग प्रतिस्पर्धा गर्दै छ ।

खेल गुवाहाटीको नेहरु स्टेडियममा बेलुका ७ बजे सुरु हुनेछ । पहिलो खेलमा नागाल्याण्डको बारक फुटबल क्लबविरुद्ध ६–१ प्रभावशाली जित निकालेको थ्रीस्टारले आज लिग चरणको दोस्रो खेलमा ओयल इन्डियसँग प्रतिस्पर्धा गर्न लागेको हो ।

यस्तै ओयल इन्डियाले लिग चरणको पहिलो खेलमा सिलोङ लाजोङ फुटबल क्लबसँग १–१ गोलको बराबरी खेलेको थियो ।

पहिलो खेलमा पाएको प्रभावशाली जितपछि थ्रीस्टारले आजको ओयल सँगको खेलमा पनि जीत निकाली सेमिफाइनल प्रवेशको योजना बनाएको छ ।

ओयल इन्डियाविरुद्ध जित हात पार्न सके नेपालको लिग विजेता टोली एक खेल अगावै प्रतियोगिताको अन्तिम चारमा स्थान पक्का गर्नेछ ।

समुह ए अन्तर्गत बुधबार भएको आफ्नो दोस्रो खेलमा बारक फुटबल क्लबलाई ५–० ले पराजित गर्दै सिलोङ लाजोङ चार अंकसहित समूह एको शिर्ष स्थानमा छ ।

समान एक खेल खेलेका थ्रीस्टार तीन अंकसहित दोस्रो र ओयल इन्डिया १ अंकसहित तेस्रो स्थानमा छ । दुवै खेलमा पराजित बारक एफसी अंकविहिन हुँदै पुछारमा छ ।

शुक्र, अशोज ७, २०७३ मा प्रकाशित

यसमा तपाइको प्रतिक्रिया

अन्य खेलकुद समाचार

Like us On Facebook

Follow Us On Twitter