मानवीय सहायता सामग्री बोकेका ट्रकमा आक्रमण,१२ को मृत्यु

एजेन्सी ,४ असोज ।

सिरियाका विभिन्न द्वन्द्वग्रस्त क्षेत्रमा फसेका नागरिकका लागि सहायता सामग्री बोकेर जाँदै गरेका ट्रकमाथि हवाई आक्रमण हुदा १२ जनाको मृत्यु भएको छ ।

एलेप्पो शहर नजिकै बिद्रोहीको नियन्त्रणमा रहेका नागरिकका लागि सहायता सामग्री लिएर जाँदै गरेका ३१ ट्रकमा ५ वटा मिसाईल आक्रमण भएको प्रत्यक्षदर्शीलाई उद्धृत गर्दै बिबिसिले जनाएको छ ।

मृत्यु हुनेमा सवारी चालक र सहायता सम्बन्धी काम गर्ने स्वयम्सेवक रहेका छन् । ट्रकमा झण्डै ७८ हजार सिरियाली नागरिकका लागि सहायता सम्बन्धी सामग्री रहेको संयुक्त राष्ट्रसंघले जनाएको छ ।

सिरीयाली सेनाद्धारा अमेरिका र रुसको मध्यस्ततामा गरिएको एकसाताको युद्धबिराम समाप्त भएको घोषणा गरेको केही घण्टामै हवाई आक्रमण भएको हो ।

सिरियामा कार्यरत बेलायती मानवअधिकाबादी संस्थाले हवाई आक्रमण सरकारी वा रुसी सेनाको गरेको बताएको छ ।

यसैबीच, अमेरिकाले घटनाप्रति आपत्ति जनाउदै पछिल्लो आक्रमणले सिरियामा शान्ति स्थापनाकालागि आफूले गरेको हालसम्मको प्रयास असफल भएकोे बतँएको छ । सिरियामा शान्ति स्थापना बारे अमेरिका र रुसले आज पनि न्युर्योकमा छलफल गर्दैछन् ।

मङ्ल, अशोज ४, २०७३ मा प्रकाशित

यसमा तपाइको प्रतिक्रिया

Loading...