कंगोमा हिंसा भड्कँदा १७ जनाको मृत्यु

एजेन्सी असोज ४ ।

अफ्रिकी मुलुक कंगोमा राष्ट्रपति जोसेफ काबिलाको राजीनामा माग गर्दै भएको हिंसा भड्कँदा १७ जनाको मृत्यु भएको छ । मारिनेमा तीन जना सुरक्षाकर्मी पनि रहेको बताइएको छ ।

राष्ट्रपति काबिलाले निर्वाचन घोषणा नगरेकाले राजीनामा दिनुपर्ने माग गर्दै प्रदर्शकारीहरुले राजधानी किनसासामा सरकारविरुद्ध नाराबाजी सहित प्रदर्शन गरेका थिए ।

राजधानी किनसासामा प्रदर्शकारीले ठाउँठाउँमा आगजनी गर्नुका साथै सरकारी कार्यालयहरुमा समेत तोडफोड गरेपछि सुरक्षाकर्मीले बल प्रयोग गरेको हो ।

कंगोको निर्वाचन आयोगले नोभेम्बरमा निर्वाचन मिति घोषणा गर्ने बताए पनि राष्ट्रपतिले आनाकानी गर्दै आएको प्रदर्शनकारीहरुको आरोप छ ।

प्रदर्शनकै क्रममा १० जना प्रदर्शनकारीलाई प्रहरीले नियन्त्रणमा लिएको छ ।

मङ्ल, अशोज ४, २०७३ मा प्रकाशित

यसमा तपाइको प्रतिक्रिया

Loading...