ग्रिसको आप्रवासी शिवीरमा आगलागी हुदा ४ हजार शरणर्थी संकटमा

एजेन्सी ,असोज ४ ।
ग्रिसको लेसबोस द्वीपस्थित आप्रवासी शिविरमा भएको आगलागीका कारण शिविरमा रहेका ४ हजारभन्दा बढी शरणार्थी संकटमा परेका छन् ।

शरणार्थी बस्ने गरेको उक्त द्वीपमा तमाखु नष्ट गर्ने क्रममा आगो बाल्दा आगो फैलिएको ग्रीसका अधिकारीहरुलाई उद्धत गर्दै विविसीले जनाएाके छ । उनीहरुलाई सुरक्षित स्थानमा राखिएको छ ।

घटना नियोजित हो कि भन्ने आशंकामा अनुसन्धान थालिएको छ । संयुक्त राष्ट्र संघीय एजेन्सीका अनुसार लेसबोस द्वीपमा ५ हजार ६ सय शरणार्थी रहेका छन् ।

आगलागीका कारण शिविर पूर्ण रुपमा ध्वस्त भएको छ । द्वन्द्वको चपेटामा परेका सिरिया र इराकका हजारौं शरणार्थी ग्रिसमा शरण लिने क्रममा त्यहाँको सरकारले लेसबोस द्वीपमा शिविर बनाई शरणार्थीलाई राख्ने ब्यवस्था मिलाएको थियो ।

मङ्ल, अशोज ४, २०७३ मा प्रकाशित

यसमा तपाइको प्रतिक्रिया