तामाङ युथ सोशाइटी अफ जापानद्धारा संकलित रकम मृतक तामाङको परिवारलाई हस्तान्तरण

काठमाडौ २ असोज । 

अध्यायनका शिलशिलामा जापान बसाईका क्रममा निधन भएका रमेश तामाङको परिवारलाई सहयोग स्वरुप तामाङ युथ सोशाइटी अफ जापानले संकलन गरेको रकम हस्तान्तरण गरिएको छ ।

नाङसाल क्लब नेपालको ६९ औं साहित्यिक कार्यक्रमका अवसरमा राजधानीको पुतली सडकस्थित नेपाल तामाङ घेदुङको हलमा हिजो आयोजित कार्यक्रमकाबीच उक्त रकम हस्तान्तरण गरिएको हो ।

कार्यक्रमका प्रमुख अतिथि जापानका लागि पूर्व नेपाली राजदुत डा. गणेश योन्जनले साशाइटीले संकलन गरेको पाँच लाख ६१ हजार ८९ रुपैयाँ रकम मृतक तामाङको परिवारलाई हस्तान्तरण गर्नुभएको हो ।

कार्यक्रममा बोल्दै डा. योन्जनले तामाङ युथ सोशाइटीले गरेको अभियानको प्रसंशा गर्दै आगामी दिनमा पनि यस्तै खालको कार्यक्रमलाई निरन्तरता दिन सुझाव दिनुभयो ।

photo-88

नेपाली विद्यार्थीहरुको जापान बसाई त्यति सहज नरहेको उल्लेख गर्दै उहाँले विभिन्न शिलशिलामा जापान पुगी समस्यामा परेका नेपालीको साथ र सहयोगका लागि आगामी दिनमा पनि यस्तो कार्यक्रमलाई निरन्तरता दिने अपेक्षा गर्नुभएको छ ।

तामाङको शव नेपाल ल्याउनका लागि सोशाइटीले उक्त रकम जापानवासी नेपालीहरुमाझ संकलन गरेको तामाङ युथ सोशाइटी आफ जापानका प्रतिनिधि अखिल तामाङले जानकारी दिनुभयो । रमेश तामाङको केही महिना अघि हृदयघातबाट टोक्योमा निधन भएको थियो ।

photo

कार्यक्रममा बोल्दै तामाङले आगामी दिनमा पनि यस्तै साथ सहयोगको कार्यलाई निरन्तरता दिने प्रतिवद्धता समेत जनाउनु भएको छ । रकम संकलन अभियानका क्रममा सोशाइटीले टोक्योस्थित विभिन्न नेपाली रेष्टुरेन्टहरुमा डोनेशन बक्स समेत स्थापना गरेको थियो ।

photo-2

कार्यक्रममा छारगोङमा मासिकका सम्पादक एवम् अन्तर्राष्ट्रिय तामाङ परिषदका सचिव प्रतिक ङेसुर, नेपाल तामाङ घेदुङका महासचिब बाबु घिसिङ, स्रष्टा समाजका अध्यक्ष नेपाल प्रसाद स्याङतान लगायतले आ–आफ्नो धराणा राखेका थिए ।

स्वर्गीय तामाङको आमा देवीमाया पाख्रीनले ‘विभिन्न संघ संस्था लगायत तामाङ समुदाय तथा अन्य समुदायलाई विदेशमा रहेर पनि आफूहरुको दुखमा साथ दिएकोमा धन्यवाद त्रापन गर्नुभएको छ ।

photo-5

यसैबीच कार्यक्रममा सन्चारकर्मी तीर्थमान बलको हालै मात्र प्रकाशनमा आएको छार होइसेर नामक गजल संग्रहको समेत समिक्षा भएको थियो । गजलकार खोजराज गोले र साहित्यकार सृर्जना गोलेले पुस्तकमाथि समीक्षा गर्नुभएको हो।

prg-photo

कार्यक्रममा कविराज काल्तान, वाङ्जु वाइबा, ङेमा थाङ्पाल, रञ्जना मोक्तान, चन्द्रीका मोक्तान, पञ्चामाया पाख्रीन, सानुमाया तामाङ, सत्तलसिं योञ्जन, माया लामा, जगतमान बल लगायतका स्रष्टाहरुले आफ्नो प्रस्तुति राख्नु भएको थियो ।

आइत, अशोज २, २०७३ मा प्रकाशित

यसमा तपाइको प्रतिक्रिया

Loading...