राष्ट्रिय विज्ञान दिवस बिभिन्न कार्यक्रम गरी मनाईयो

 काठमाडौं, असोज १ ।
चौंथो राष्ट्रिय विज्ञान दिवस आज ‘विज्ञान प्रविधि र आविष्कार समृद्धिको आधार’ भन्ने नाराकासाथ देशभर विभिन्न कार्यक्रम गरी मनाइएको छ ।

दिवसको अवसरमा विज्ञान तथा प्रविधि मन्त्रालयले ललितपुरमा एक कार्यक्रमको आयोजना गरि मुलुकमा विज्ञानको विकासका लागि नीतिगत सुधारका कार्यक्रम भइरहेको जानकारी गराएको थियो ।

विज्ञानको विकासले मानवीय जीवन सहज बन्दै गएकोले नीतिगत सुधारका कार्यक्रम अघि बढाउने मन्त्रालयको तयारी रहेको जनाईएको छ ।

यस्तै कार्यक्रममा नेपाल विज्ञान तथा प्रविधि प्रतिष्ठान नाष्टका उपकुलपति डा. जीवराज पोखरेलले कृषि र औद्योगिक विकासका लागि विज्ञानको अधिकतम् प्रयोग हुनुपर्नेमा जोड दिदै सर्वाङ्गीण विकासका लागि विज्ञानको प्रयोग अपरिहार्य रहेको बताउनु भयो ।

कार्यक्रममा सहभागीहरुले बुद्धिजीवी एवं वैज्ञानिकहरुलाई सरकारले उचित अवसर नदिँदा उनीहरु विदेशीन र पलायन हुन बाध्य भएको गुनासो गरेका थिए ।

दिवसको अवसरमा विज्ञान क्षेत्रमा कलम चलाउने सन्चारकर्मीहरुलाई सम्मान गरिएको थियो ।

शनि, अशोज १, २०७३ मा प्रकाशित

यसमा तपाइको प्रतिक्रिया