सप्तरीको जमुनी टोलमा झाडापखाला फैलियो

सप्तरी, भदौ ३१ ।
सप्तरीको जमुनी मधेपुरा २ स्थित जमुनी टोलमा चार दिनदेखि झाडापखाला फैलिएको छ ।

झाडापखालाका कारण हालसम्म ५६ जना प्रभावित भईसकेका छन् । बिरामी हुनेहरुमा अधिकाशं बालबालिका रहेको बताईएको छ ।

शुरुमा बान्ता हुने र पखाला लाग्ने समस्याबाट सर्वसाधारण ग्रसित भएको स्थानीय स्वास्थ्यकर्मी जयकृष्ण गुरमैता यादवले जानकारी दिनुभयो ।

झाडापखाला अनियन्त्रित हुने देखिएपछि सर्वसाधारणमा त्रास फैलिएकाको भन्दै उहाले औषधिसहित चिकित्सकको टोली पठाउन माग गर्नुभएको छ । बिरामीको संख्या बढेपछि स्थानीय शारदा निम्न माध्यमिक विद्यालयमा राखेर सामूहिक उपचार थालिएको छ ।

जिल्ला स्वास्थ्य कार्यालयबाट स्लाइन पानीसहितको आवश्यक औषधि उपलब्ध गराईए पनि त्यो पर्याप्त हुन नसकेको उपस्वास्थ्य चौकीका प्रमुख क्षत्री साफीले जानकारी दिनुभयो ।

शुक्र, भदौ ३१, २०७३ मा प्रकाशित

यसमा तपाइको प्रतिक्रिया