भूपू गोर्खाको युरोपियन कोर्टमा पनि पराजय

काठमाण्डौ ,भाद्र ३० ।

युरोपियन कोर्ट अफ ह्यूमन राइट्सले पेन्सनमा कुनै भेदभाव नभएको भन्दै भूपू गोर्खाहरुको विपक्षमा बिहीबार बिहान फैसला सुनाएको छ ।

कोर्टले त्रिपक्षीय सन्धि अनुसार भेदभाव भएको छैन् भनेर फैसला गरेपछि भूपू गोर्खाहरुले अब कानुनी लडाईं लड्ने आधार सकिएको छ ।

भूपू गोर्खाहरुले गोरा सरह समान पेन्सन माग गर्दै युरोपेली अदालतमा दायर गरेको मुद्दामा फ्रान्सको स्ट्रासबर्गस्थित राइट्सले आज फैसला गर्दै उनीहरुको विपक्षमा फैसला गरेको हो ।

ग्र्याण्ड च्याम्बरमा मंगलबारदेखि शुरु भएको सुनुवाइ आज बिहान टुंगिएको थियो ।

भूपू गोर्खाहरुको एउटा अग्रणी संस्था ब्रिटिस गोर्खा वेलफेयर सोसाइटी (बिजिडब्लुएस), ०९७ साल अघि अवकास लिएका (प्रि ९७) को तर्फबाट सुवर्ण क्षेत्री र पोष्ट ९७ टेस्ट केसमा बिजिडब्लुएस अध्यक्ष मेजर (रिटायर्ड) टिकेन्द्रदल देवानले सन् २०११ मा फरक फरक ढंगबाट मुद्दा दायर गरेका थिए ।

बिजिडब्लुएस अध्यक्ष देवानले सन् १९४८ देखि सेवा गरेका समस्त भूपू गोर्खाहरुको हितका लागि गरिएको मुद्दामा हार बेहोर्नुपरेको बताउनु भयो ।

देवानका अनुसार मुद्दामा करिव एकलाख पाउण्ड खर्च भएको छ । बेलायती अदालतले न्याय नदिएको भन्दै बिजिडब्लुएस युरोपेली अदालत पुगेको थियो ।

बिहि, भदौ ३०, २०७३ मा प्रकाशित

यसमा तपाइको प्रतिक्रिया

Loading...