किशोरीहरु कपाल काटेर राम्रो कमाइतिर प्रवेश गर्दै

50d59a3fe8.jpg50d59a3fe8.jpgसिन्धुली ,२३ भदौ ।
सिन्धुलीको कपिलाकोट गाविसकी सोनी तमाङ विहान ७ बजे खाना खाएर बसपार्कमा रहेको महादेव ठाकुर हेयरकटिङ सैलुङ छिर्छिन ।

जुन पुरुषहरुको कपाल काट्न सैलुन हो । उनलाई त्यहाँ कपाल काट्ने काम भ्याई नभ्याई हुन्छ ।

उनी दिन भरमा चालिस–पचास जनाको कपाल काट्छिन् । केटा मान्छेको कपाल काट्ने काममा केटी मान्छे देख्दा मान्छेहरु खिसीटियुरि गर्ने पनि कम हुदैन तर उनलाई काम गर्ने पैशा लिनेमा नै फुर्सद हुदैन । पढाईमा कमि अनि परिवारको आर्थिक अवस्था कम्जोर भएर जीवीकोपार्जनको लागि यो पेशामा लागेको कपिलाकोटकी सोनी तामाङ वताउछिन् ।

उनी मात्र होईन महादेवस्थानकी दिलकुमारी माझी, रानिचुरीकी रञ्जना मगर यो पेशामा संलग्न भएर दैनिक ७ सय देखि १२ सय सम्म कमाई गरिरहेका छन् ।
सामान्यतया केटा मान्छेको कपाल काट्ने काम तराईका ठकुरीहरुको हो भन्ने माान्यता भएको यो समाजमा यी किशोरीहरुले सिप सिकेर जस्ले गर्दा पनि हुन्छ भन्ने उदाहरण वनेका छन् ।

केहि पुरुषले नकरात्मक दृष्टीले हेर्ने हुदा काममा केहि समस्या भए पनि आफूहरु त्यसलाई प्रतिकार गर्न सक्षम रहेको उनीहरु बताउछन् ।

काम खोज्दै दैनिक लाखौं नेपाली नारीहरु विदेशमा वेचिरहेका छिन् तर नेपालमा नै केहि गरौं नभनेर आफूहरु यो पेशामा लागेको रञ्जना मगर वताउनु हुन्छ । छोरी मान्छेले पनि पुरुष सरह काम गर्न सक्छन् भन्ने देखाउनका लागि यो काम गरि गरेको रञ्जनाले वताउनु भयो ।
50d59a3fe8.jpg50d59a3fe8.jpg

बिहि, भदौ २३, २०७३ मा प्रकाशित

यसमा तपाइको प्रतिक्रिया