परराष्ट्रमन्त्री थापा र भारतीय समकक्षी स्वराजबिच दिल्लीमा भेटबार्ता


काठमाण्डौ, १६ मंसिर ।

दुइ दिने भारत भ्रमणमा रहनुभएका उपप्रधान तथा परराष्ट्रमन्त्री कमल थापाले समकक्षी शुष्मा स्वराजसंग नयादिल्लीमा भेटवार्ता गर्नुभएको छ ।

भेटका क्रममा भारतीय बिदेशी मन्त्री स्वराजले सिमानाका क्षेत्रमा कायम अवरोधमा भारतको हात नरहेको दोर्होयाउँदै आन्तरिक समस्या समाधान गर्न नेपाललाई पुन आग्रह गर्नुभयो ।

पारवहन अवरोध हटाउन परराष्ट्रमन्त्री थापाले गरेको आग्रहपछि भारतीय समकक्षी स्वराजले आन्तरिक समस्या यथासिघ्र राजनीतिक ढंगले समाधान गर्न आग्रह गर्नुभएको छ ।

नेपालमा भएको आपूर्ती असहजता तथा सिमा अवरोधमा भारतको हात नरहेको र आन्तरीक समस्या समाधान भएपछि स्थिति सहज हुने विदेशमन्त्री स्वराजले प्रष्ट पार्नुभएको भारतीय विदेश मन्त्रालयका प्रवक्ता विकास स्वरुपले ट्वीट्रमार्फत जानकारी दिनुभएको छ ।

नाकाबन्दीका कारण नेपालमा मानविय संकट उत्पन्न भएको भन्दै थापाले तत्काल समस्या समाधान गर्न भारतीय विदेश मन्त्री स्वराजसंग आग्रह गर्नुभएको थियो । उपप्रधानमन्त्री थापा एक महिना अघि पनि नाकाबन्दी खोल्न आग्रह गर्दै भारत पुग्नु भएको थियो ।

त्यति बेला पनि भारतले आफूले नाकाबन्दी नगरेको बताएको थियो । दुइ दिने भारत भ्रमणमा जानु भएका मन्त्री थापा आज राती ११ बजे स्वदेश फर्किने कार्यक्रम रहेको परराष्ट्र मन्त्रालयले जनाएको छ ।

बुध, मंसिर १६, २०७२ मा प्रकाशित

यसमा तपाइको प्रतिक्रिया